Comunicados
Paxil Kayala’: ri Icefi kuch’ojij che ri nab’e ajpop Giammattei che uk’isik tzij pa uwi’ ri q’ataj le xuya’ utzij che ri sachonib’al kqajb’en pa kaxlan junab’ 2024
Viernes, 8 Diciembre, 2023 - 03:58
Ri Wokaj Centroamericano rech Estudios Fiscales (Icefi) xchoman apan uqajb’enik ri Q’ataj, 18-2023, Taqonib’al rech ri nim sachonib’al je jas ri ktoq’ixik xuquje’ jas ri ksachik kumal ri Wokom Patanelab’ on che ri unimal sachonib’al pa kaxlan junab’ 2024, je jas ri ub’e ya’om kumal ri Banb’al Taqanik rech ri Amaq’.1 Ri Wokajilj ri’ xreta’amaj upam ri wujil ri’ che ri uxe’al kanoq jas ri je kajnaq kumal man suk’umatal ta kumal jas ri utz kqajb’en che ri taq ktoq’ixik rachi’l taq ksach pa uwach ri uxe’al ri ch’ob’otal taq chak pa kaxlan junab’ 20242 xuquje’ tza k’o na ri jech’ taq uwi’ tzij je jas ri itzelal uminom kanoq ri Wokajil rech Finanzas Públicas xuquje’ Moneda (CFPM) pa uchomab’al are’3; wene’, xuquje’, ri k’ojomb’al le ya’om tzij chech sib’alaj knimtaj na uqajb’elil.
Jutij chik, le ek’i chi kech ri oficialista rech Wokajtaqanik xkiso’raj ri k’i taq oqxa’n xuquje’ taq pajb’enik ya’om kan kumal ri e jalajoj taq moloj winaqil on nim taq kib’anik pa komon on taq wokajilal, rachi’l ri xuya’ ri Icefi cho saq.4 Ri Wokajtaqanik man xusuk’umaj ta ri k’i taq jech’joj le xurokisaj kan ri CFPM pa ri uchomab’al, xa ne’, pwi’ taq k’ojoj, xrokisax kumal k’ak’ taq taqonik chik xuquje’ nik’aj taq uwach chik, we kkya’y ub’e, tza kunimarisaj le k’ex kqajb’en rumal ri uchomab’al ri CFPM uya’om kanoq. Che taq we ri’, Tza Itzel cho uwach ri jas ri e Wokajtaqanik man xniman ta che usuk’umaxik ri jas jech’ chech ri q’ataj 56 xuquje’ 59, le xk’utax chi kech ri unimal k’amal taq b’e che ri wujilal rech k’asaj k’o ral, che kb’ix jutij chik, we je kkanaj kanoq kumal xuquje’ jas ri kel pa kichomab’al e yare’, kuya’ kuq’atej ukojik ri on ukamulixik ukojik ri bonos del Tesoro kb’ix chech.
Jas utakib’a’xik jun okojik ukamulixik ujojik ri Bonos del Tesoro are ke’utitz’ ri e k’ak’ taq taqawokaj pa k’ex che utojik ri uk’asaj ri amaq’ (deuda pública) (default). Le nim kkajb’en ri man ktoj ta ri uk’asaj ri amaq’ man xaq ta ke’ub’an k’ex che ri e k’ak’ taq taqawokaj, xuquje’ keqajb’en nik’aj taq wokajil chik, jas ta ne’ ri banca nacional xuquje internacional, je nik’aj ya’ol taq jolomaj chik, wene’ Itzel kilitax ri Paxil Kayala’ kumal taq amaq’ chik. Cho upam jun te’tal k’ex je la le’, Ri Wokajil tza kutzukuj nik’aj ya’ol jolomaj chik, are k’ex we man kutzaq ta ri pwaq che nik’aj wokajil chik on jas ri rajawaxik chik pa komon, we je kb’eyitaj ri tojonik chi kech ri ajjolomaj, poq’sab’al q’inomal, xuquje’, ch’akoj. Jun k’exk’ol pwaqib’al je lale’ kuyak uloq nim laj k’exk’ol che ri utaqixik ri amaq’ xuquje’ nik’aj taq k’exk’ol chik pa uwi’ ri amaq’.
Jas ri uchomab’al ri Icefi uyakom aq’noq pwi’ ri sachonib’al pa kaxlan junab’ 2024, are kuq’alajisaj ri’:
1. Che uk’exik ronojel upam ri q’ataj 6, ri sachonib’al ri ka’elik, le xasuk’umatax pa uwi’ jalajoj taq wokajilal, je xpaqi’ urajil xuquje’ je xqasax urajil pa uwi’ ri uchomab’al ri CFPM. Ri k’ojomb’al rumal kak’ex upam ronojel ri q’atal 116 kuk’ut cho ujunal ri kjikomax na, are kya’y jun rilib’al cho upam taq we cholajil ikim kajoq.
Ri usuk’maxik ri’ kuya’o jun uwi’ pwaq are ri Q2,226.4 millones che ri Taqanel rech Comunicaciones, Infraestructura y Vivienda (Micivi), ri uwi’ jas ri ya’om kanoq pa uchomab’al ri CFPM. Ri suk’ kb’an che ri q’ataj 116 are uchomab’al ri CFPM le ucholajim che ri uwi’ che ri Micivi are ri kel cho saq are Q310.0 millones che ri Uxera’ chech ri Vivienda, xuquje’ jun uwi’ are Q2,536.4 millones je jas ri ch’ob’otal chak ri cholajim rumal ri Dirección General de Caminos, rech ri Fondo de Conservación Vial (Covial) xuquje’ rech ri Fondo Social de Solidaridad. Cho ri cholajil ri q’alajin uloq le rajilal rech uchakuxik ri Guatecompras (NOG) xuquje’, ri jastaq taqal chech, rajilab’al ri q’ataj pa ri Sistema Nacional de Inversión Pública (SNIP), rumal la’, wene’ xjunamitaj chik on rajko’m kjunamitajik.
Le b’isob’al uwach, are ri tajin wi k’o uyab’ ri ub’e k’at ri Taqanel rech Finanzas Públicas (Minfín) man xuk’ut ta ri q’ataj ri’. Xuquje’ kya’y uq’alajisaxik ri uwi’ pwaq rech Q26.0 millones che ri Taqanel rech Desarrollo Social (Mides), are k’o cho saq ri Q30.0 millones che ri uyakik jun ube’al ri ja’ tijik rij jas ri Fondo de Desarrollo Social (Fodes) kuchakub’ej pa ri tinamit San Juan Sacatepéquez, xuquje’ ri Q4 millones pa q’axel taq pwaq apanoq ka’esax chech.
Je jas ri uchakuxik pa ri uchomab’al ri CFPM, ri taq uwi’ pwaq kojotal pa ri q’atal 6 xuquje’ 116 ri ochomab’al ri CFPM junam uq’atik ri pwaq xesax chikech, rumal k’ula ri nim sachoj etam pa ri kaxlan junab’ 2024 jeqal apan pa 24,880.0 millones, le b’im kanoq nab’e rumal ri Organismo Ejecutivo pa ri no’jib’al taqanik rajilab’al 6279. Je junam ruk’ ri uwi’ pwaq, we esam kan chikech ri jun chik le kojotal kumal ri CFPM, xuquje’ xkojotaj apan chikech ri sachoj chik le k’o kajoq iikim:
- Rech Taqanel rech Educación (Mineduc), por Q1.5 millones;
- Rech Taqanel rech Salud Pública y Asistencia Social (MSPAS), are Q15.0 millones;
- Rech ri Secretaría rech Obras Sociales rech ri Roqil ri Uk’almal b’e ri Amaq’, rech ri Oficina Nacional rech ri Servicio Civil (Onsec) xuquje’ rech ri Sindicato rech Trabajadores rech ri Onsec, man okinaq ta cho upam ri esam chi junal chike ri wokajil ri’, jas ta ne’ ri esam chike e wonojel, are we Q9.8 millones;
- Jun k’ak’ esam che ri Superintendencia rech Administración Tributaria (SAT), cho upam taq ri Utaqo’n ri Ajpop are k’o pa Uq’ab’ ri Tesoro, are Q226.0 millones, le ktz’aqatisax pa uwi’ ri Q274.0 millones ri kojob’al pa ri q’ataj 114 rech uchomab’al ri CFPM,5 kuya’ chi ronojel esam chech le kq’axesax pa uq’ab’ ri SAT are Q500.0 millones. Ri Icefi kukamulij ub’ixik pa ri ub’ixkil pa tzijonb’al rech ri 26 rech ri ik’ octubre,6 le kub’ij chi ri pwaq kesax che ri SAT man taqal ta chech, are taq, ruk’ ri kesax chech ri wokajil ri’ kkanaj kaj ruk’ Q1,470.7
- Chech ri Upatanib’al ri uk’asaj qakomon, pwi’ ri Q2,000.0 millones, tanib’am apanoq ri rajijlib’al petinaq are Q2,474.0 millones, are ub’e’al che utojinik ri uchak ri política monetaria rachilam rumal ri Banco de Guatemala, mulim kan pa taq junab’ kanoq, xuquje’ ri Organismo Ejecutivo pa ri uwach le xtikitaj uloq rech ri ch’ob’otal chak rech ri sachoj pa kaxlan junab’ 2024 no’jib’am che utojik ruk’ taq bonos del Tesoro.
2. Ri ksuk’umax rumal uqajisaxik sachoj jun k’ak’ q’ataj, are taq kya’y ub’e ri Minfín che usachik ri pwaq k’olik che unimarisaxik ri Ch’ob’otal Chak rech ri pwaq kya’y chikech ri Rijab’ taq Winaq are Q136.8 millones, rumal la’ le chomam ksach chikij kech pa kaxlan junab’ 2024 are chik Q1,175.2 millones ri b’im kanoq nab’e, Q1,312.0 millones chik chomam.
3. Ri suk’ub’al rumal uqajisaxik sachoj ronojel ri q’ataj 117 ri’ rech uchomab’al ri CFPM, cho upam ri knimarisax ri yakonib’al, rech uchakuxik nim taq b’e ri utaqale’n ri Micivi, rech taq yakonib’al nim taq b’e, yakonib’al rak’owib’al ja’ xuquje’ uk’olib’al taq ja’ utaqale’n ri Mides, xuquje’ ub’anob’exik taq uxlanib’al rax uwach rech Mixco Viejo pa uq’ab’ ri Taqanel rech Cultura y Deportes (Micude), tza konojel wi kakik’am ri rajil ruk’ taq q’axel pwaq pa k’at pa kib’i’ ri oxib’ taqanel ri’, le elinaq ukoq pa ri nitz’ taq sachonib’al on sachoj chob’otal taq chak pa uxe’r rech ri Unimal ri Ilonb’al Chak. Ri Icefi kuya’ ub’ixkil che ri k’ojoj ri, pwi’ ri unimarisaxik ri ucholajil ri ch’ob’otal taq chak, ma k’o ta puk pa uwi’, xuchup ri nim taq sachonik le ruk’a’m uloq uchomab’al ri CFPM, uminom taq xib’irib’ rumal man upajom ta ri usachoj. Kuchomaj xuquje’, man saq taj xuquje’ itzelal utojik ri taq ch’ob’otal taq chak ri’ cho uxe’ taq nitz’ sachoj k’o apanoq kech nik’aj taq wokajil chik. Jutir chik, rumal ri uturtub’em ri ub’inib’al k’at rech ri Minfín man rilitaj ta ri taq q’ataj NOG xuquje’ SNIP le cholajim chi ujunal ch’ob’otal taq chak.
4. Ri k’ojob’al rumal uqajisaxik sachoj rech jun k’ak’ chak, are taq kya’y ub’e ri Minfín cha’, uwach ri k’ak’arisab’al xuquje’ ujikomaxik jas ri upatan, chatojo’ kan ak’asaj ri Q187.9 millones rumal ri 7 ch’ob’otal taq chak pwi’ taq k’otib’al ulew, taq ub’eja’ xuquje’ relib’al taq nima’, xuquje’ pwi’ ri Q32.8 millones rumal jun nim laj b’e pa Petén. Ri Icefi kuchomaj chi ri chak ri are jun chomab’al k’ex kqajb’enik on kuya’o ub’e ri elaq’, man xaq ta xu wi ri chak cholajim taj rumal ri rajilal b’im kanoq, ri ketamab’al pwi’ uk’utum uloq che ri chak pwi’ taq k’otinem man kuya’ taj chi ksolix urajilal. Xuquje’, ri chak ri’ man b’im taj jachin kuchakuj, xuquje’ man k’o ta jas jun retamab’al chik ri kuya’ qatzij chech jawi’ kpe wi on e jachin taq kech ri taq tojonib’al ri’. We esab’al ri’ nim ub’anik, are taq ri f cholajil rech ri q’ataj 43 rech Ley de Contrataciones del Estado, ktaqan pwi’ ri taq k’otinik xaqxu wi kb’anob’ex kumal taq ajwokajil, rumal k’ula’ ri sachoj ri man saq ta ub’e.
5. Ri suk’umalil rumal uqajisaxik sachoj ronojel ri q’ataj 118 ri’ rech uchomab’al ri CFPM, le kujikomaj ri ucholib’al ri wokajil le man pa utaqanik ta ri ajpop, wokajilal xuquje’ wokonib’al le jikom on e xaqxu wi e are’ tza nim alaj kib’anik. Pa uwi’ taq rajilal chi ujunal ri wokajilab’, ri k’ojob’al kuqasaj ri ya’tal chikech le xaqxu wi ri nim kib’anik kya’ik cho upam ri q’atal chech uq’axexik pwaq le tza k’o apanoq che ri MSPAS, rechb’em Q901.5 millones te’ kqasax tza k’a pa Q886.5 millones; jas ub’anik ri Mineduc, ri pwaq ya’tal che are Q4,119.1 millones te’ kqasax tza k’a pa Q Q4,117.5 millones; le taq wokajil le tza ya’tal chikech are Q10.0 millones te’ kqasax tza k’a pa Q0.2 millones; xuquje’, che ri Mides k’o apan pa kiq’ab’ Q38.0 millones te’ kqasax tza k’a pa Q34.0 millones. Jas ta ri, ri Icefi kuq’alajisaj apanoq ri sachonib’al pwi’ ri rajilam chikech ri MSPAS, ri Mineduc xuquje’ ri Maga, rumal k’ula’ ri upam ri q’ataj b’anom chi tzij pa uwi’ jech’ ub’anom xuquje’ man suk’ taj ruk’ le nik’ak taq sachonib’al chik.
6. Ri suk’umalil rumal uqajisaxik sachoj ronojel ri q’ataj 119 ri’ rech uchomab’al ri CFPM, jawi’ knimarisax raqan ri ajchakib’ rech ri MSPAS le tza jeqal kichak kumal cho upam ri renglón presupuestario 011, are kqajb’en utojilal tza k’a pa Q350.0 millones. Xa ne’ utz xuquje’ tza k’utuwachin chike ri ajchakib’ rech komon wokaj e sik’im che kichak cho uxe’ uq’ab’ taq nim ke’ilitax pa kichak on tza tikom kan kik’aslemal kichak jas cholam pa taqonib’al chak, ri Icefi kuya’ ub’ixkil che ri jawi’ kpe ri tojonib’al chak, jutij chik, kuya’ ksuk’umatax ri taq tojonik on sachonib’al le rajawaxik kub’an ri MSPAS, che ukamulixik ub’ixik ri ub’antajik jas man saq ta apanoq xuquje’, wene ne’,sachonib’al man kojob’al ta uwach, rumal are k’o cho uxe’ raqan uq’ab’ nitz’ taq sachoj xuquje’ nik’aj taq pwaq chik.
7. Ri suk’umalil rumal uqajisaxik sachoj ronojel ri q’ataj 121 ri’ rech uchomab’al ri CFPM, chila’ ktitz’ wi ri Ministerio Público cho kixo’l taq ri wokajil le man kuya’ taj kq’at ri pwaq ya’tal chikech on jachom chikech rumal ri Ejecutivo, jun k’ex kb’anik le kuk’ut ri itzelal le k’o pa kik’u’x, xuquje’ man kuterne’j ta jun jikom ub’e’al, xuquje man kuterne’j ta ri jas taqom kanoq cho upam ri q’ataj 32 rech ri Ley Orgánica del Presupuesto kb’ix chech.
8. Ri suk’umalil rumal uqajisaxik sachoj ronojel ri q’ataj 122 ri’ rech uchomab’al ri CFPM, jun uwach nimarisam xuquje’ kowirisam cho kiwach taq ri B’anb’al taq Taqanib’al le kutoq’ij ukojik rumal ri Nim k’amal b’e cha’ knimax ub’anik jas ri tz’ib’atal cho upam ri q’ataj 116, le k’o pa uq’ab’ ri Micivi, q’atem ukojik, xuquje’, je unuch’irisaxik ri pwaq ya’tal chikech le tz’ib’atal cho upam ri q’ataj. Pa uchomab’al ri Icefi, we q’atal ri’ ko kuk’ulb’atij rij, xuquje’ wene’ man wokom ta ub’antajik, le tza k’o pa uq’ab’ ri Organismo Ejecutivo le ya’om rumal ri nim alaj wujil taqonib’al rech ri Paxil kayala’ le kb’ix Constitución Política de la República chech, ri Ley del Organismo Ejecutivo xuquje’ ri Ley Orgánica del Presupuesto, che rilik chak ronojel ri rechb’al komon xuquje uchakuxik ri ch’ob’otal chak.
9. Ri suk’umalil rumal uqajisaxik sachoj ronojel ri q’ataj 125 ri’ rech uchomab’al ri CFPM, cho upam la’ ktitz’ wi ri jas q’atem ukojik chikech taq ri Secretaría de Comunicación Social rech ri Presidencia, le q’atem uch’ab’exik che chak chikech taq b’ixkilal pa taq tzijonb’al on taq wachib’al xuquje’ q’axb’al taq tzij le man nim ta kiqajb’ej utatb’exik kitzij xuquje’ xaq sipatal kichak. We k’ulb’a’t ri’ xuquje’ man suk’ ta utz’ib’axik b’anom xuquje’ man k’o ta ub’e’al ri jas taq kutoq’ij chikech taq.
10. Ri suk’umalil rumal uqajisaxik sachoj ronojel ri q’ataj 129 ri’ rech uchomab’al ri CFPM, cho upam ri k’o apan xuquje’ ri tob’al kech taq ri Gran Cruzada Nacional por la Nutrición xuquje’ Ukowirisaxik ri utzwachil, jasta ne’ che unimarisaxik ri ya’tal kanoq nab’e rech pwaq kya’y chikech ri Consejos Departamentales de Desarrollo (Codede), le uwi’ kkanajik le man xsach ta chik le ya’tal ukojik pa taq junab’ 2021 xuquje’ 2022. Ri Icefi kukamulik ub’ixik le kya’y pwaq chi kech ri taq Codede che ukojik pa taq ch’obatal taq chak on kajowitaj che uchupik uchuq’ab’ ri meb’a’ che taq ak’alab’ uk’utum kanoq are chapom che nim taq elaq’ on taq k’exk’olik.
11. Ri suk’umalil rumal uqajisaxik sachoj ronojel ri q’ataj 130 ri’ rech uchomab’al ri CFPM, are wa’ ri kuchup le taqom uloq che utoq’ixik ri usachoj rech Micivi are Q1,199.8 millones, rech ri Mides pa taq Q108.6 millones, rech ri Taqanel rech ri Cultura y Deportes pa Q1.4 millones xuquje’ rech ri MSPAS pa Q15.0 millones, are wa’ k’exom rumal jun nim alaj cholajim pa ri uwach ya’tal tzij pwi’ pa q’ataj 116, chomam rij pa 1 rajilab’al rech we b’ixkil ri’. Le b’anom ub’anik le taqom uloq che uwach ri b’anom chi tzij pwi’ rech ri q’ataj ri are kuriqb’ej ri Q835 millones, rachi’l xuquje’ jun kya’y che ri IGSS are Q400.0 millones, Q95 millones che ri Taqanel rech ri Defensa Nacional, Q30 millones che ri Taqanel rech ri Ministerio de Agricultura, Ganadería y Alimentación, Q5.0 millones che ri Consejo Nacional de Adopciones, Q20.0 millones che ri Agencia Nacional de Alianzas che ri Desarrollo de Infraestructura Económica, Q280.0 millones che ri MSPAS xuquje’ Q5.0 millones che ri Comisión Presidencial contra la Discriminación xuquje’ ri Racismo contra los Pueblos Indígenas de Guatemala. Jutij chik, ri Icefi kukamulij kuya’ ub’ixik che ri man suk’ ta ub’antajik rumal are kreye’j ri kmulix na ri pwaq, wene’ are kunimaj jas ub’anom ri uq’ab’ taq toq’onik on jastaq sachoj chik k’o apanoq.
12. Ri suk’umalil rumal uqajisaxik sachoj ronojel ri q’ataj 133 ri’ rech uchomab’al ri CFPM, jawi’ ksuk’umax ri utzij ucholajil che ri Minfín, kk’ex ri tzij «deberá» ruk’ «priorizará». Punex ta ne’ ri jikomab’al ri suk’, tza k’o na jech’ cho upam rumal ri uq’axexik pwaq pa ub’i’ ri Fideicomiso de Transporte rech Paxil Kayala’ (Fidemuni) xuquje’ ri Universidad de San Carlos de Guatemala, jutij chik, man suk’ taj are kreye’j na ri toq’inik le te kb’anik, le kesax che taq kiq’ab’ jutaq wokajil chik.
13. Ri suk’umalil rumal uqajisaxik sachoj ronojel ri q’ataj 134 ri’ rech uchomab’al ri CFPM, le ktaqan che jun q’axel pwaq rech ri Taqanel rech Economía pa Q75.0 millones ka’e pa ub’i’ ri Federación de Cooperativas kech ri Verapaces, Responsabilidad Limitada.
Uk’amom kan uno’j cho upam k’i taq k’exk’olil riqital cho upam ri nik’om upam kumal ajch’ob’otal chech rech ri s ya’tal suk’umalil chik rumal ri Congreso de la República, xuquje’ le man k’o ta xsuk’umax upam le b’im cho upam taq uwach tza tikital kanoq nab’e rech ri ch’ob’otal taq chak rech kaxlan junab’ 2024 xuquje’ pa ri uwach le ya’tal chi ub’e rumal ri CFPM, rachi’l ri jech’ upam ri uq’ab’ sachoj pa ri ch’ob’otal chak rech ri toq’onik mulim chik, ri Icefi kuroqxa’nij che ri k’amal b’e Alejandro Giammattei ri, tza are taq kopan pa uq’ab’ ri Q’ataj 18-2023 che q’ironik rumal ri Organismo Ejecutivo, chunimaj jas kuya’ ub’e ri tz’ib’atal pa q’ataj 178 rech ri Constitución Política de la República che utzilijixik pa kiq’ab’ aj B’anob’al Taqanik, chukojo’ ureche che uk’isik tzij pwi’ ri taqanik.
Ri Icefi kuya’ apan ub’ixik che ri sachoj pa ri kaxlan junab’ 2024, je jas ri xkanaj kan pa ri Q’ataj 18-2023, nim laj k’ex kqajb’enik chike e jalajoj taq wokajil ri ajpoq’sib’al pwaq xuquje wokajil komon, xuquje’ kuya’ apan k’ex pa utaqanik ri ka’k’ nab’e ajpop, rumal k’ula’, je jas kqab’anom kamik ri’, le man nim ta kqajb’enik are, are taq t’aqim chik ri sachoj ya’tal chik, je jas ri tz’ib’atal pa cholajil b rech ri q’ataj 171 wokom, pa kaxlan junab’ 2024 are kaya’y ub’e ri sachoj 2023 le tajinik.
K’isb’al chik, ri Icefi kuroqx’anij, tza chanim ri’ xuquje’ aninaq, che ri ajpop k’o chanim ri’ rumal k’amal b’e Alejandro Giammattei, xuquje’ ri wokaj le tajin ka’ilij ri q’axb’al taqanik rech ri ajpoq cha’om rumal ri tinamit Bernardo Arévalo, chikiyak jun mexa ajno’j che uchomaxik rij ri usuk’umaxik ri k’exk’olil uk’amom uloq ri sachoj ri’. Kutoq’ij chikech chi ri uchomarik rij ri’ tza k’o apan cho saq xuquje’ ya’tal apan rilik, chi la’ kech’ab’ex ri wokajil komon, ri academia, ri uk’ux taq chomab’al xuquje’ ronojel taq jupuq winaq ri k’o ketamab’al chi rij we sachoj xuquje’ ke’el kik’ux che ut’aqixik ri q’ataj le xuya’ ub’e ri Wokom Patanelab’ ri kqajb’en pa kaxlan junab’ 2024.
Paxil Kayala, Ab’yayala, 1 rech diciembre kaxlan junab’ 2023.
- Tza k’o apanoq pa k’at https://icefi.org/sites/default/files/guatemala_-_decreto_numero_18-2023.pdf
- Chawila’ ri b’ixkil pa tzijonb’al rech ri Icefi ujub’um ub’ixik pa ri 4 rech septiembre kaxlan junab’ 2023, tza k’o apanoq pa k’at ri’ https://www.icefi.org/comunicados/guatemala-icefiinsta-que-el-proceso-de-transicion-incluya-la-discusion-en-el-congreso
- Tza k’o apanoq pa k’at https://www.congreso.gob.gt/assets/uploads/info_legislativo/dictamen/13b6d-dictamen-6279-fav-cfpm.pdf
- Chawila’ ri b’ixkil pa tzijonb’al rech ri Icefi jub’um ub’ixik pa ri 26 rech octubre rech kaxlan junab’ 2023, https://www.icefi.org/comunicados/guatemala-el-icefi-recomiendano-aprobar-la-version-dictaminada-por-la-comision-de
- Che nim rilik, xuquje’ chawila’ ri wuj Documento para el Diálogo Fiscal Análisis y recomendaciones para el Proyecto de Presupuesto para 2024, tza k’o apanoq cho upam ri k’at https://www.icefi.org/publicaciones/guatemala-analisis-y-recomendaciones-para-el-proyecto-de-presupuesto-para-2024
- Ri suk’ub’al yatal ub’e che ri q’ataj 114 rech uchomab’al ri CFPM kusuk’umaj Itzel taq utz’ib’axik.
- Chawila’ ri laj b’ixkil cho uxe’ taq ukaj uxaq wuj , ajsik cho upam we wuj ri’.
Archivos adjuntos
| Adjunto | Tamaño |
|---|---|
 comunicado_-_gt202023_-_kiche.pdf | 798.73 KB |
Artículos Recomendados
Temas relacionados